i duh zawng chhin la

Wednesday, October 3, 2012

Duhtak Amelia tana lehkhathawn


Ka fanu Amelia,





Ka fanu tia ko thei che ka ni em tih ka hre chiah lo a, 'ka nu' tiin min ko duh angem tih pawh ka hre hek lo. I hnena lehkhathawn theihna ka nei erawh tih ka hria a, i chhiar duh leh duhloh tur erawh ka hre lo. En teh, bawihte ka hmuh hma chein kum 2 dawn a lo liam leh ta reng mai. Eng ang mihring nge i nih a, eng ang mizia nge i neih? Eng kawngah nge ruat bik i nih tih pawh ka hriat hmain nausen ata hmeichhe naupang i lo ni dawn ta mai si a, damchhung huna mihring hmuhnawm lai ber, thianghlim lai ber leh duhawm lai berin ka kuahin ka pawm lo che a hrehawm ka tihna ai mahin heng hun liam tur lak let leh theih tawh siloh hi ka ui a ni.